Республикыштына Курск областьыште илыше калыклан гуманитар полышым погаш тӱҥалме.
Марий Элыште илыше-шамыч Курск областьыште ВСУ-н атакыжлан кӧра азапыш логалше-влаклан полшен кертыт.
Чыла арверым Мер полыш штабыш Йошкар-Ола, Пушкин урем, 14-ше пӧрт адрес дене 9 гыч 17 шагат марте кондаш лиеш. Эн ончычак кӱлыт:
- йоча ден кугыеҥ-влаклан вургем (у лиеш гын, сайрак);
- медикамент ден антисептик;
- личный гигиенылан средстве, туалет кагаз, вӱдыжгӧ салфетке, кагаз солык;
- локтылалтдыме кочкыш продукт, йӱшаш вӱд, тӱрлӧ консерве;
- быт химий;
- вакшыш шартыш, одеял, кӱпчык, матрас;
- ик гана пайдаланыме кӱмыж-совла;
- йочам ончымо сату;
- канцеляр сату.
Лекше йодышым +7 (8362) 63-00-39 телефон дене рашемдаш лиеш.
М.ИВАНОВА
Мер полыш штабын фотожо
