Тудын дене келшышын, Марий Элыште 664 мероприятий эртен. Тушко 100 тӱжем наре самырык да ончыкылык избиратель-влак ушненыт.
А мероприятийже тӱрлӧ лийын: сайлымаш дене кылдалтше йодышлан пӧлеклалтше тематический занятий, олимпиаде ден викторине, конкурс, деловой модыш, тренинг, научно-практический конференций-влак. Ӱдыр-рвезе-шамыч кугыжаныш да верысе кучем, самырык-влак дене пашам ыштыше, образований управлений органлаште пашам ыштыше, избирательный комиссий-влакын еҥышт, ятыр моло-влак дене вашлийыныт. Самырык-шамычлан молодежный форумым, «йыргешке ӱстелым» эртареныт. Тидын дене пырля нуно культурно-развлекательный ден спорт мероприятийлашке (театрализоватлыме представленийыш, КВН-ыш, концертыш, таҥасымашыш) ушненыт. «Молодежь выбирает будущее», «Голосуют молодые», «Я – молодой (будущий) избиратель» да тыгай сынан девиз дене эртыше моло тӱшка мероприятийыште чолгалыкым ончыктеныт. А икымше гана йӱклышӧ-влакым сайлыше радамыш пуртеныт.
Л.Камалетдинова.
