«Йоча жапым пӧртылташ»
Юл кундем федерал округышто илышыш пурталтше проект-влак кокла гыч икымшыже – тулык икшыве-влаклан полышым пуышо «Йоча жапым пӧртылташ» окружной фестиваль.
Тений 14-18 сентябрьыште тудо Уфа олаште эртен. Тушко Юл кундемыште верланыше йоча пӧртла гыч 12-14 ияш нылшӱдӧ наре ӱдыр-рвезе чумырген.
Нунылан вич тӱрлӧ конкурс лийын: «Юл кундемын Спорт Олимпше», «Йоча жапысе шӱдыр-влак», «Уш палате», «МастарОК», «Кулинар мастарлык».
Марий Эл гыч фестивальыш 28 еҥ ушнен (24 воспитанник ден нунын дене пырля мийыше ныл кугыеҥ).
Г.Кожевникова
Фотом Марий Эл Образований да науко министерстве гыч налме
