Шорык
Тиде арняште вий ешаралтмым шижыда, тӱҥалме сомылым мучашлаш кумылда лектеш. Тиде жапым пайдалын кучылтса да у пашам шыҥдарымашке пижса. Ӱчашымашым ида тарватыл, поснак паша верыште. Илышыште вучыдымо, но куаным кондышо вашталтыш вуча.
Презе
Лишыл кечылаште шукертак шонен коштмо пашадам илышыш шыҥдараш пижса, тыгодым лекше йодышышто пунчалым лукташ ида вашке. Арня кыдалне оксагалтада кӱжгемын кертеш, але паша верыштыда у йӧн лектеш. Тазалык нерген ида мондо.
Йыгыр
У еҥ-влак дене палыме лийыда, тиде тыланда у, пайдале кылым ышташ полша. Шуко мутланаш верештеш, садлан мом ойлымыдам шекланыза, айда-лийжым ида каласкале. Личный илышыште эн кӱлешанжым ойыраш логалеш.
Рак
Ешлан, мӧҥгылан жапым ойырыман. Лишыл еҥда-влаклан тендан полышда кӱлеш лийын кертеш. Пашаште тӱткырак лийза. Тиде йоҥылышым ыштыме деч утарен кертеш. Арня мучаште сайынак каналтыза, вийым погыза.
Лев
Арня тӱрлӧ событийлан поян лиеш. Вий ешаралтмым шижыда, тидыже пашаште сеҥымашке шуаш йӧным ышта. У вашлиймашлан ямде лийза. Личный илышлан кугурак тӱткылыкым ойырыза.
Ӱдыр
Пашаште шуко мом ыштен, шымлен шуктеда. Тиде арня тӱҥалме сомылым мучашлаш моткочак келшен толеш. Шукертак шонен пыштымыдам вашталташ логалеш, но тидын деч лӱдман огыл. Тудо сайым гына конден кертеш. Лишыл еҥлан жапым ойырыза.
Виса
Тумам ида тарватыл. Пашаште лекше у темлымашым шотыш налза, тиде тыланда у йӧным пуа. Шке нергенат мондыман огыл. Шкаланда иктаж-мом шукертак налаш, але шкетын иктаж-кушко миен толаш шоненда гын, жапым ида шуйкале, ыштыза.
Скорпион
Тендам кугу вашталтыш-влак вучат, санденак чылажымат писын, шуко жап шонкалыде ыштен шукташ тыршыза. Личный илышыште нелылык лектын кертеш, но те чытышан лийыда, йӧратыме еҥдам умылаш тыршеда гын, чылажат шотыш толеш.
Пикшызе
Арня мучко тыланда чыла пашамат писын ышташ перна. Вуйыштыда ятыр у шонымаш-влак пӧрдаш тӱҥалыт, тиде ончыко каяш шӱкалтышым пуа. Уым, ойыртемалтшым ышташ ида лӱд. йӧратыме еҥ дене чон почын мутланымаш вуча.
Ирказа
Тиде арня деч кугу чытышым йодеш. Пашада кучалтын, тыгак тӱрлӧ чарак лектын кертеш. Нигӧлан ойырен налме корныда гыч кораҥаш ида пу. Личный илышыште вашталтыш вуча, тудо тыланда у йӧным почеш.
Вӱд йоктарыше
Шке шонымашдам илышыш шыҥдараш келшыше арня. Вучыдымо вашлиймаш ден у увер-влак вучат. Тиде тендан деч тӱткылыкым,писын шонен моштымым йодеш.
Кол
Шкетын кодаш кумылда лектеш. Илыш нерген келгын шоналташ, чон ласкалыкым мумо жап. Йӧратыме еҥлан чылажымат шылтыде каласыза, тиде лекше умылыдымаш деч утлаш полша.
Лидия ШАБДАРОВА ямдылен
М.Скобелевын фотожо