Тӱнямбал кӱкшытан у мастерской
«Образований» национальный проектын «Самырык профессионал-влак» федерал проектше почеш Советский районысо Вечын селаште верланыше Аграрно-строительный техникумышто у мастерской-влак почылтыныт.
Йошкар тасмам Марий Эл Республик правительстве председательын икымше алмаштышыже М.Васютин, образований да науко министр Л.Ревуцкая, ялозанлык да продовольствий министр Л.Смирнова торжественно пӱчкыныт.
У мастерскойыш тачысе жаплан келшыше у оборудованийлам вераҥдыме. Нунын полшымо дене техникумын студентше-влак шкан келшыше профессийлан тӱнямбал стандарт дене тунем кертыт. Тыштак школышто тунемшылан, сулен налме канышыште улшылан да молылан ялозанлык паша дене кылдалтше специальность дене ешартыш шинчымашын налаш йӧн лиеш.
Г.Кожевникова
Фотом Марий Эл Образований да науко министерстве гыч налме
