Шорык
Тиде арнян тыланда туге чучаш тӱҥалеш, пуйто тендам нигӧ огеш умыло. Но йоҥылыш лийыда. Йырда ончалза – ала-кӧ садак лач тендан семын шона. Арнян кокымшо пелыштыже иктаж-могай кугу сатум налын кертыда. Ушкалымаш деч утлаш тыршыза.
Презе
Нине кечылаште кумылда чот волышо лиеш. Тиде амал дене тӱрлӧ ӱчашымашыш ушнаш тӱҥалыда. Но лучо утларак жап шып кошташ тыршыза. Тыге уто нелылык деч утлен да лӱмнердам арален коден кертыда. Каныш кечылаште йӧратымаш шижмаш авалта.
Йыгыр
Тиде арнян чылаштлан полшаш ямде лийыда, еҥ-влак дене ик ойыш куштылгын шуыда. Тыгай койышда аклалтде огеш код – вашке лектышыжым да пайдам шижыда. Йолташ-шамыч дене вашлиймаш кумылдам нӧлталеш, эшеат лишемаш полша.
Рак
Нине кечылаште тендам йӧратымаш шижмаш авалта. Тудо кумылдам чотак нӧлталеш. Пашаштат чылажат кӱлеш семын ворана. Иктаж-могай проектым илышыш пырля пуртен кертыда. Ала-кушеч ешартыш оксам налыда. У еҥ дене палыме лияш келшыше жап.
Лев
Кӧ шканже ӱшана, тӱрлӧ решенийым лӱдде илышыш шыҥдара, тудо тиде арнян кугу кӱкшытыш шуэш. Йӧратыме еҥда дене иктаж-кушко пырля миен толыда гын, вашкылда эшеат пеҥгыдемеш да куандарыше лиеш. Ешлан кугурак тӱткышым ойырыза.
Ӱдыр
Тиде арнян тыланда документлашке кидпалым пышташ огеш темлалт, уке гын тӱткышда ситыдымылан кӧра йоҥылышым колтен кертыда. Такшымат кеч-могай пашам чот шонен шуктыман. Тендан чытышдалан кӧра ешыштыда ласкалык лиеш.
Виса
Варалан кодымо пашам лачшымак кызыт ыштен шукташ логалеш. Но тидлан жапда шагал лиеш. Иктаж-могай неле йодыш тургыжландара гын, тудым сеҥаш икоян ешда полшен кертеш. Мужыраҥаш шонеда гын, тиде – ик эн келшыше арня.
Скорпион
Тендамат тиде арнян ятыр сомыл вуча. Чылажымат кӱлеш семын ыштеда гын, шкетынак шуктен кертыда. Тидым пашаште вуйлатышыда аклыде огеш код да кугурак должностьым темла але премийым пуа. Романтике шӱлышан приключенийлан ямде лийза.
Пикшызе
Кумылда моткоч чӱчкыдын вашталташ тӱҥалеш. Палыдыме еҥ-влак дене шагалрак мутланаш тыршыза, молан манаш гын тиде нимо сайышкат огеш шукто. Утларак жапым мӧҥгыштӧ эртарыза. У еҥ-влак дене палыме лийын кертыда.
Ирказа
Тиде арнян кугу сатум налын, ойпидышым ыштен, кӱлешан йодыш-влакым молгунамсе деч куштылгынрак решатлен кертыда. Пӱсӧ уш-акылда ден интуицийда шонымашкыда шуаш полшат. Кыртмен пашам ыштыме деч вара каналташат мондыман огыл.
Вӱд йоктарыше
Тиде пагытыште вий-куатда изи лиеш. Сандене ты арняште чот кӱлешан вашлиймашым эртараш палемденда улмаш гын, тудым лучо вес жапышке кусарыза. Вурседалымашыш, ӱчашымашыш ушнаш ида тырше. Кеч-мо уто деч утлыза.
Кол
Кызыт вучыдымо вашталтыш-влак лиймылан кӧра писын шонен мошташ логалеш. Арнян икымше пелыштыже кеч-могай шонымашым илышыш пуртен кертыда. Тыгодым мом ышташ палемдымыда нерген чылаштлан каласкалаш ида тырше.
Ӱпым пӱчкаш тарваненда гын
3 июнь. Таче ӱпым пӱчман огыл, уке гын депрессий лийын кертеш. Ӱпым чиялтеда гын, кумылда нӧлталтеш.
4 июнь. Тиде кечын ӱпым пӱчмеке чон шокшым шижыда. Ӱпым молгунамсе деч ойыртемалтше тӱсыш чиялтеда гын, тазалыкда пеҥгыдемеш, оксада ешаралтеш.
5 июнь. Ӱпым пӱчмӧ деч вара еҥ-влаклан утларак келшаш тӱҥалыда. Ӱпым чиялташ огеш темлалт.
6 июнь. Ӱпым пӱчманат, чиялтыманат огыл, уке гын вий-куатда иземын, окса шотышто нелылык лектын кертыт.
7 июнь. Ӱпым пӱчкашат, чиялташат огеш темлалт – окса чӱдылык шижалташ тӱҥал кертеш. Тидын деч утлаш ӱп тӱсым оттеночный бальзам дене чиялтыме полша.
8 июнь. Ӱпым пӱчкыда гын, роскотыш пуреда. Ӱпым натуральный чия дене чиялтеда гын, карьер тошкалтыш дене кӱзаш йӧн лиеш.
9 июнь. Ӱпым пӱчкашат, чиялташат келшыше кече огыл, молан манаш гын уш-акылдам уда шонымаш-влак авалтен кертыт.
Л.Камалетдинова
Авторын фотожо
