Москваште илыше марий-шамычат кугезе-влакын отыш лектын кумалме йӱлаштым шуктат. Теве кодшо каныш кечылаште нуно Коломенский паркыште изирак кумалтышым эртареныт.
Молан изиракым йодыда? Игече ночко шоген, кӱдырчан йӱр каен. Туге гынат кумалаш толшо-влак лийыныт. Москваште илыше-влакын ойлымыш почеш, кумалме верыштыже акрет марий илем лийын. Вер-шӧржӧ чынжымак мотор. Интернетысе социальный сетьыште икмыняр фотографийымат вераҥденыт.
А теве теҥгече Москваште илыше-шамычак эше ик вере марий кумалтышым эртареныт. Тудо Дмитровский район Кинде ял (Киндяково) воктенысе Кинде курыкышто лийын.
А 21 сентябрьыште Мосваште, Минякино метро деч тораште огыл, Истра Юмын кӱ воктене тыгак марий кумалтыш лиеш. Тидын нерген социальный сеть гоч увертарат.
С.Носова.