Татарстаныште илыше марий-влакын калыкле-тӱвыра автономийыштын VI погынжо онлайн да офлайн форматыште эртен.
Тудо Татарстанысе калык-влак келшымаш пӧртыштышт лийын. Марий Эл гыч Российысе марий-влакын калыкле-тӱвыра автономийыштым вуйлатыше Л.Яковлева, Марий тӱвыра рӱдер вуйлатыше Н.Пушкина ушненыт.
Погынын пашаштыже республикысе 13 тыгай автономийын еҥышт виртуальный йӧн дене участвоватленыт. Лариса Яковлева Татарстан Республикым вуйлатыше-влаклан тусо марий-влакын мер толкыныштылан пашам ворандараш полшымыштлан тауштен, Озаҥ марий-влакын чолгалыкыштым палемден. Оньыжа Э.Александроват шке саламлымашыжым йоҥгалтарен.
Автономий вуйлатыше Олег Третьяков 2017- 2020 ийлаште шуктымо пашам иктешлен. Вара ревизионный комсиссийын, верысе моло автономий-влакын пашашт нерген отчётышт йоҥгалтыныт. Погынышо-шамыч организацийын уставышкыже икмыняр вашталтышым пуртеныт, Советын еҥже-влакым, ревкомиссийым сайленыт. Автономийым вуйлаташ угыч Олег Третьяковланак ӱшаненыт. Тидын деч вара организацийын ончыкылык пашаж дене кылдалтше моло йодышым каҥашеныт.
С.НОСОВА
