Шорык
Тиде арнян лишыл еҥда, йолташда, коллегыда-влак дене вашкылым ыштыме годым нелылык лектын кертеш. Амалже ондалымаш але манеш-манешым шаркалымаш лиеш докан. Тидлан кӧра икте-весыда дене кужу жаплан сырыме лӱдыкшӧ уло.
Презе
Еш, йоча дене кылдалтше йодыш-влакым рашемдаш келшыше жап. Иктаж-кушко пырля миен толза. Родо-тукым дене кылдалтше уверым пален налыда. Тудо кумылдам нӧлталеш. Ушнаш темлымашым ышташ, тынеш пураш сай пагыт.
Йыгыр
Тиде арнян пашаште кугурак кӱкшытыш шуын кертыда. Вуйлатышыда пашадардам кугемда. Шке да лишыл еҥ-шамычын тазалыкыштым эскерыман. Кеч-могай шонымашым илышыш пурташ тарваныме годым шеҥгеке чакныман огыл.
Рак
Кеч-могай у пашалан тӱҥалтышым лач кызыт ышташ келшен толеш. Оҥай у еҥ дене палыме лийыда, очыни. Усталык дене кылдалтше сомыл лектышым пуа. Могай пашам шукташ шонен пыштеда, чылажат куштылгын ышталтеш.
Лев
Тиде арнян ешыштат, пашаштат ласка лиеш. Иктаж-мом шканда келшыме семын ыштеда гын, ончыкыжым тудо изи огыл парышым конда. Кумылдам нӧлталнеда гын, йолташда-шамыч дене вашлийза але шукертсек шонен коштмыдам илышыш шыҥдарыза.
Ӱдыр
Пашаште кӱшкырак нӧлталтыда, очыни. Но тидлан чот тыршаш логалеш. Кугу пайдам налаш шонен, оксам иктаж-кушко кучылтыда гын, мӧҥгешла, парымыш веле пуреда. Ончыч тӱҥалме пашам кызыт мучашлыман, уке гын нелылык лектын кертеш.
Виса
Чондам романтике шӱлыш авалта. Йырда тӱткынрак ончыза, вет лач тиде арнян шӱмбелым вашлийыда докан. Тиде у еҥ але ондакысе палыме лийын кертыт. Лишылда-влак дене сыренда улмаш гын, сӧрасаш тыршыза. Тазалыкым пеҥгыдемдаш уто огыл.
Скорпион
У партнер-влак икмыняр шонымашдам илышыш пурташ полшат. Шкеат чулымлыкым ончыктеда гын, сай лектышыш шуыда. Ешыште лишыл еҥ-шамыч дене вурседылмаш тарванен кертеш. Ешартыш оксам ыштен налаш темлымылан тореш ида лий.
Пикшызе
Тыланда шӱдыр-влак шижмашдам кучаш огыт темле. Шортмыда шуэш – шортса, чон почын мутланынеда – мутланыза. Вуйлатышыда ала-мо шотышто тергаш шонен пышта. Чыла сайын эрта гын, ончыкыжым премийымат пуэн кертеш.
Ирказа
Тиде арнян тендам илышын чыла шӧрыныштыжӧ гаяк сеҥымаш вуча. Тӱҥжӧ – жапым да вий-куатым кырча-марчалан ида пытаре. Пашам кӱлеш семын сайын шуктеда гын, ешартыш оксам налыда. Интуицийдам тӱткынрак колыштса.
Вӱд йоктарыше
Могай кугу шонымашда уло, тудо тиде арнян товатат шукталтеш. Чылажат вучыдымын лиеш. У еҥ-влак дене мутланаш ӧрман огыл. Ончыкыжым нуно моткоч кӱлеш лийын кертыт. Командировкыш каяш логалеш гын, тушто шкем тыматлын кучыман.
Кол
Кумылым волтышо иктаж уверым пален налыда гынат, утыжым ида тургыжлане. Ончыкыжым чылажат сай велыш вашталтеш. Илышым аклен ончалаш уто огыл. Йоҥылышдам тӧрлатен кертыда. Поро пашам шукырак ыштымыда шуаш тӱҥалеш.
Ӱпым пӱчкаш тарваненда гын
26 февраль. Таче ӱпым пӱчкаш вашкыман огыл, молан манаш гын иктаж-мо уда лийын кертеш. Могай тӱс ӱшаным ешара, пиалым лишемдаш полшымыла чучеш, ӱпым тугайыш гына чиялташ темлалтеш.
27 февраль. Тиде кечын ӱпым пӱчкыда гын, илышда кужемеш. Ӱпым натуральный чия дене чиялтеда гын, пашаште кугурак кӱкшытыш шуыда.
28 февраль. Ӱпым кузе пӱчмат, чиялтымат тыланда огеш келше.
29 февраль. Ӱпым пӱчмӧ моторрак лияш, шийвундым ешараш полша. Ӱпым ошалге да шӧртнялге-кӱрен тӱсыш гына чиялташ темлалтеш.
1 март. Тиде кечын ӱпым пӱчмӧ тӱжвал сыным сӧралракым ышта, оксадат ешаралтеш. Ӱпым ошалге да шӧртнялге-кӱрен тӱсыш веле чиялташ келшен толеш.
2 март. Ӱпым пӱчкыда гын, иктаж-могай кугу сатум налыда. Тыгодым уто нелылытым погымо лӱдыкшӧ уло. Ӱпым натуральный гай койшо тӱсыш гына чиялтыман.
3 март. Таче ӱпым пӱчкашат, чиялташат огеш темлалт.
Л.Камалетдинова
Авторын фотожо
