12-15 июльышто Морко районысо Унчо кундемыште «УнчоFest» лагерь-семинар эрта.
Тушко Марий Эл, Татарстан республикла, Ханты-Мансийск автоном округ, Моско, Санкт-Петербург олала, Эстоний да Венгрий гыч 50 еҥ чумыргышаш.
«УнчоFest» лагерь-семинар – кином йӧратыше да кинофильмым возышо специалист-влаклан усталык площадке. Мероприятийын участникше-влак ончыкылык кинолан сценарийым тӱҥалтыш гыч мучаш марте возымо корным эртат», – палдара проектын авторжо Елена Иванова.
Семинар жапыште тўрлє мастер-класс, фильмым войзышо опытан еҥ-влак дене вашлиймаш, каныме кас да молат лийыт. Проектым Марий Элысе «ВийАр» тӱвыра да келшымаш кыл мер ушем Россий Президентын ойырымо грантше да Марий Эл Республикын социальный вияҥмаш министерствыжын полшымыж дене илышыш шыҥдара. Ушештарена, икымше гана «Унчоfest» лагерь-семинар 2016 ийыште эртен. Форумыш 30 наре журналист, оператор да кином йєратыше-влак чумыргеныт.
Н.ЛЮБИМОВ.
