УВЕР ЙОГЫН ШИНЧЫМАШ КУГОРНЫШТО

Марий Эл гыч команде – кумшо верыште!

Юл кундем федерал округысо интеллектуал олимпиадын пытартыш этапыштыже Марий кугыжаныш университетын студентше-влак 3-шо верым сеҥен налыныт. Эртыше шым ийым налаш гын, «Мо? Кушто? Кунам?» турнирыште Марий Эл гыч сеҥышыш лекше команде ик ганат лийын огыл.

Сандене самырык еҥ-влак дене палдарымак шуэш. Тиде – вузын естественный науко да фармаций институтыштыжо тунемше Виктор Овсянников, Алексей Кошкин, Александр Михайлов, Анастасия Гулякова; тыгак историй-филологий факультетыште шинчымашым погышо Евгения Исакова ден Анна Тараткина. Марий Элын чапшым нуно ынде кокымшо ий почела араленыт. Тенийысыште Юл кундем федерал округ гыч чылаже 14 команде лийын, кажныже 80 йодышлан вашештен.

Каласыман, кумшо верыш Марий Элын деч посна эше Пермь кундемын командыже лектын, сандене бронзо верч адакат «кучедалаш» логалын: жюрин пуымо кум йодышыж гыч икымшыжлан коктынжат чын вашештеныт, кокымшыжлан иктат нимом каласен кертын огыл, а кумшыжлан чын вашмутым мемнан ӱдыр-рвезе-влак гына пуэн кертыныт да тыге сеҥыше-влакын радамышкышт лектыныт.

                                                                                                                                           Г.Кожевникова

Опубликовать в Одноклассники

Добавить комментарий