СОЦИАЛ ИЛЫШ

26 августышто Кужэҥер посёлкын кечыже эртен.

«Иле, шочмо кундемем!» театрализироватлыме представленийыште посёлко ден районым вуйлатыше-влак пайремыш толшо калыкым шокшын саламленыт, почётан гражданин-влакым шарналтеныт да шочмо кундемым тӱзатымаште да вияҥдымаште лым лийде тыршыше Геннадий Атлашкинлан кӱкшӧ наградым кучыктеныт.

Тышке, кокымшо спартакиадыш, спорт дене пеҥгыде кылым кучышо-влакат погыненыт. Кум команде дартсыште, 100 м коклаш куржмаште, кужытыш тӧртылмаште, гранатым кышкымаште, эстафетыште да волейболышто вийжым терген.  

Йоча-влаклан асфальтыш сӱретлыме сӱрет конкурс лийын. 25 икшыве импровизироватлыме сцене кумдыкым тичмашнек гаяк сӱретлен. Нунын кокла гыч кажныже шарнымаш пӧлек дене палемдалтын.

Пайрем концерт, модмаш да салют дене мучашлалтын.

М.ИВАНОВА.

Опубликовать в Одноклассники

Добавить комментарий