Шорык
Тиде арнян кумылда чӱчкыдын да кенета вашталташ тӱҥалеш. Личный илышыште сай велыш вашталтыш лиеш. Кӧ кызытеш шкет гын, шӱмбелжым вашлийын кертеш. Але марте мом ыштымым аклен ончалман. Пашаште чапда кушкеш.
Презе
Нине кечылаште ешан-влак вате-марий кокласе кылыштым пеҥгыдемден кертыт. Шкет еҥ-шамычым у вашлиймаш вуча. Уда шонымаш-влакым уш гыч кораҥдаш тыршыман. Лучо сай лийшаш нерген шоныза. Чон мом йодеш, тудым ыштыман.
Йыгыр
Кызыт усталык пашалан утларак кумылаҥыда. Шкет улыда да шӱмбелым вашлийнеда гын, чолгарак лияш уто огыл. Уда койышым ончыктымо деч шекланыман. Еҥ-влаклан пӱсӧ уш-акылан, кумда тӱняумылымашан улмыдам палдараш уто огыл.
Рак
Тиде арнян вашлиймаш-влак уто ӱчашымаш, вурседылмаш деч посна эртат. Тушто палыме лийме иктаж еҥже дене кылым утларак пеҥгыдемдеда да шонымашкыда шуаш полшаш ушеда гын, ончыкыжым шагал огыл пайдам налыда.
Лев
Илышыште ала-мом оҥайым утыждене чот кычалаш ида тырше, уке гын иктаж нелылыкыш логал кертыда. Ончыкыжым тиде уда дене мучашлалтме лӱдыкшӧ уло. Каныш кечылаште утларак жапым ешыште але йолташ-шамыч дене пырля эртараш темлалтеш.
Ӱдыр
Пашаште вуйлатыше тыланда эшеат чот ӱшанаш да тыршымыдам аклаш тӱҥалже манын, неле задаче-влакым шукташ ӧрмалгыман огыл. Йӧратымаш кылыш романтике шӱлышым ешареда да шӱмбелдам иктаж-кузе куандареда гын, тудо веле огыл, шкеат йывыртеда.
Виса
Тиде арнян оксада ситышын лиеш. Тыге кеч-могай кугу шонымашдамат илышыш пуртен, кӱлешанлан шотлымо сатум налын кертыда. Деловой кылым пеҥгыдемдаш келшыше жап. Ешлан, йӧратыме да лишыл еҥ-влаклан тӱткышым утларак ойырыман.
Скорпион
Тендам ала-могай мероприятийыш ӱжыт. Тушто шкендан могай улмыдам тӱрыс ончыктен кертыда. У еҥ-влак дене палыме лийыда. Усталык пашалан, тӱрлӧ сынан вашкыллан жапым шукырак ойырыман. Каналташ кӱлмӧ нергенат мондыман огыл.
Пикшызе
Лишыл еҥ-влак тендан деч утыждене шуко йодыт манын шонеда гынат, шыдешкаш ида тырше. Шкендам ласкан кучыза, уке гын коклаштыда умылыдымаш лектын кертеш. Мӧҥгыштӧ эрыктыме пашам шукташ келшыше жап.
Ирказа
Шкендам утыждене ида титакле, молан манаш гын тиде депрессий мартеат шукта. Шыдешкымыда дене воктеныда улшо еҥ-шамыч дене вурседылаш тӱҥал кертыда. Иктаж-кушко миен толаш келшыше жап. Йолташ-шамыч дене вашлияш уто огыл.
Вӱд йоктарыше
Мӧҥгыштӧ эрыктыме пашам чылан пырля эртареда гын, тылеч вара икте-весе кокласе кылда эшеат пеҥгыде лиеш. Вуйлатыше да коллеге-шамыч дене ик ойыш шуын моштыман. Вучыдымо пӧлекым кучыктат але лотерейыште иктаж-мом модын налыда.
Кол
Пӱрымаш тыланда пӧлекым ямдылен: тиде арнян шкендан гаяк шонышо еҥым вашлийда. Тудын дене кылым ышташ ида ӧрмалге, вет тиде жап илышыштыда ик эн тӱҥ да кӱлешан лийын кертеш. Уло ончыкылыкда тидын дене кылдалтеш, товатат.
Ӱпым пӱчкаш тарваненда гын
22 апрель. Таче ӱпым пӱчман огыл, уке гын тазалык лунчырген кертеш. Ӱпым натуральный чия дене шемалге тӱсыш гына чиялташ темлалтеш. Тылеч вара илышыште иктаж-мо куандарыше лиеш.
23 апрель. Чоным тургыжланымаш ынже авалте манын, тиде кечын ӱпым пӱчман огыл. Ӱпым шемалге тӱсыш гына чиялташ темлалтеш.
24 апрель. Ӱпым пӱчмӧ деч вара пашаште нелылык вашлиялташ тӱҥал кертеш. Ӱпым ошалге ден шӧртнялге тӱсыш гына чиялташ келшыше кече.
25 апрель. Тиде кечын ӱпым пӱчман огыл, уке гын иктаж нелылык лийын кертеш. Могай тӱс тыланда куаным кондымыла чучеш, ӱпым тугайыш гына чиялтыман.
26 апрель. Ӱпым пӱчкыда гын, илышда кужемеш. Ӱп тӱсым натуральный чия полшымо дене вашталтеда гын, пашаште кугу кӱкшытыш шуыда.
27 апрель. Тиде кечынат ӱпым пӱчмӧ илышым кужемдаш полша. Ӱпым натуральный чия дене чиялтыме деч вара пашаште лектыш куандара.
28 апрель. Ӱпым пӱчкыда але чиялтеда гынат, мом кузе ыштыме тыланда огеш келше.
Л.Камалетдинова
Авторын фотожо
