УВЕР ЙОГЫН

22 гыч 6 шагат марте

Кеҥежым 18 ийым темыдыме ӱдыр-рвезе-шамыч тӱшкан пайдаланыме верлаште 23 шагат марте шкетын, ача-авашт але законный представительышт деч посна, лийын кертыныт да «коммендантский час» манме лач тынар шагат гычак тӱналын. 1 сентябрь гыч тудо 22 шагат йӱд гыч 6 шагат эр марте лиеш.

Полиций ушештара: закон дене келшышын, 18 ийым темыдыме ӱдыр-рвезе-влак общественный верлаште 22 шагат йӱд деч вара лийыт гын, ача-аваштлан штрафым тӱлашышт логалеш. А тиде — урем, парк, сквер, стадион, тӱшкан пайдаланыме транспорт, интернет клуб, ужалыме, кочмо, модмо да каныме вер-влак.

22 гыч 6 шагат марте икшыве шкетын лиеш гын, тудым полиций пашаеҥ-влак отделыш наҥгаят да кӧ улмыжым, кушто илымыжым, ача-аважым рашемдат. Тылеч вара тиде факт нерген ача-аважлан але законный представительжылан увертарат да нунын налаш толмешкышт кучат. Нунын нерген данныйым рашемден огыт керт гын, ийготыш шудымо йочам специализироватлыме учрежденийыш колтат. Тиддеч посна ты законым пудыртымылан ача-аважлан административно мут кучашышт логалеш.

Сандене, пагалыме ача-ава-влак, ийготыш шудымо икшывыда уло гын, тӱткырак лийза. 22 шагат деч вара тудын кушто улмыжым шотыш налза, шкетын перныл коштмыж деч шекланыза. Уке гын шкеат йӧндымылыкыш логалыда.

Л.КАМАЛЕТДИНОВА

Опубликовать в Одноклассники

Добавить комментарий