6-7 декабрьыште Москваште «СВОя СИЛА» проект кышкарыште специальный военный операцийын участникше-влакын ешыштын еҥже-влаклан профессийлан угыч ямдылыме нерген дипломым торжественно кучыктеныт.
Проектын кокымшо йыжыҥышкыже Российын 14 регионжо гыч боец-влакын ешышт гыч 120 еҥ ушнен. Марий Эл гыч тушто Йошкар-Ола, Медведево, Шернур районла гыч куд ӱдырамаш тунемын.
Проектын организаторжо ден лидерже – Россий Президент пелен Марий Эл Республикын постоянный представительже Ольга Бадма‑Халгаева. Регионыштына проектын кураторжо – Ирина Багаева, координаторжо – Мария Соловьева, модератор-психологшо – Ольга Калмыкова ден Елена Гребнева.
«СВОя сила» проектын цельже – военнослужащий-влакын ешыштлан полшаш. Проектын участникше-влак у специальностьым налыт, психологический пеҥгыдылыкым арален кодаш да лишыл еҥышт ден моло ешлан полышым пуаш тунемыт.
