Гороскоп

2023 ийлан гороскоп

Шорык

2023 ийыште илышыштыда сай велыш шуко вашталтыш лиеш. Тӱҥалме чыла пашадам мучашлаш йӧн лектеш. Йӧратымаш кылат куандара гына. Шкет еҥ-влак шӱмбелым вашлийын кертыт. Пашаште у кӱкшытыш шуыда, тыгак кугурак должностьым темлат, очыни. Туге гынат вес вере куснаш кумылда лектеш. Окса шотышто нелылыкым шижаш огыда тӱҥал.

Презе

Тыланда шушаш ийыште кугу пашадаран паша верым темлат. Тидлан  тореш ида лий. Тыгодым йӧршеш вес сферыш куснаш огеш темлалт. Шуко у проект дене пашам ышташ тӱҥалыда, очыни. Ятыр еҥ дене палыме лиймаш, оҥай вашлиймаш-влак вучат. Чыла тиде шкендам эшеат пиаланракла шижаш полша. Ушнаш да йочам ышташ келшыше идалык.

Йыгыр

2023 ийыште тӱрлӧ нелылык ден ойго деч утледа да тыланда ты идалык чыла шотыштат куандарыше лиеш. Вуйлатыше дене сай кыл карьер тошкалтыш дене кӱзаш полшен кертеш. Уш-акылым пойдараш, тӱняумылымашым келгемдаш уто огыл. Оксам погаш тыршыман. Шкет Йыгыр-влак у еҥ дене палыме лийыт, но тиде кыл йӧратымаш шижмаш марте огеш шукто.

Рак

Илышыштыда кугу нелылык ден ойго огыт вашлиялт. Тыгодым пашам кыртмен ышташ логалеш. Тидыже оксам ешараш, чапле да шергакан верыш канаш миен толаш, карьер тошкалтыш дене кӱзаш полша. Иктаж кугу аврверым налаш йӧнда лиеш. Шкет еҥ-шамыч шӱмбелым вашлийын да возалтынат кертыт. Ешан-шамыч пелашыштым утларак аклаш тӱҥалыт.

Лев

Кугу кӱкшытыш шуаш да пиалан лияш манын тыланда шушаш ийын чотак тыршаш, пашам шуко ышташ логалеш. Молан манаш гын ты идалыкыште тыланда нимоат куштылгын огеш пуалт. Тунемаш келшыше жап. Оксам арам огыда кучылт гын, тудым ешарен кертыда. Кролик идалык официально ушнаш, йочам ышташ келшыше лиеш.

Ӱдыр

Шӱдыр-влак шижтарат: идалык пиалан лийже манын, оксам аныклаш тыршыман да йӧратыме еҥ дене шкем тыматлын кучыман. Тыгак тыге вате-марий кокласе кыл эшеат куандараш тӱҥалеш. Шийвундым утларак ыштен налаш манын шканда чотак тыршаш перна. Илышыштыда кугу вашталтыш-влакым ида вучо. Уш-акылым пйодараш уто огеш лий.

Виса

Шкем ласкан, тыматлын кучаш тӱҥалыда гын, ончылныда кеч-могай омса почылтеш, шӱмбелда, коллегыда-влак дене кыл саемеш. Илышыштыда событий-влак калейдоскопысо сӱрет семын писын вашталташ тӱҥалыт. Шкет улыда гын, у йӧратымашым вашлийыда. Шукырак оксам ыштен налме еҥ-шамыч дене мутланен моштымыда дене кылдалтеш. Шке пашам тӱҥал кертыда.

Скорпион

Тыланда шушаш ийын утларакше шке вийлан ӱшанаш логалеш. Пашада утыжым ласка лиеш манаш неле. Туге гынат мом ышташ, кушко шуаш палемденда – ты корно денак кайыман. Идалык вес профессийым налаш, тунемаш, квалификацийым нӧлташ келшен толеш, бизнес паша ушна. У еҥ дене палыме лийын кертыда, но тиде кугу шижмаш марте огеш шукто, очыни.

Пикшызе

Тендам тӱрлӧ пашалан да событийлан поян идалык вуча. Икымше верыште лишыл еҥ ден родо-влак лийыт. Нелылылык лекме, иктаж йодыш тургыжландарыме годым лач нунын полышыштлан эҥерташ темлалтеш. Чын корным ойырен налыда гын, кугу кӱкшытыш шуын кертыда, бизнес паша ворана. Шкет еҥ-шамыч шӱмбелыштым вашлийыт, очыни.

Ирказа

Кугу кӱкшытыш шуаш манын тыланда «шокшым кергалтен» пашам ышташ логалеш, молан манаш гын тӱрлӧ амаллан кӧра тудо чотак ешаралтеш. Туге гынат оксада идалык тӱҥалтыште палынак шукемеш манын каласаш огеш лий. Ты шотышто сӱрет кеҥеж вашеш веле тӧрлана. Шинчымашым келгемдаш, коллективыште вашкылым саемдаш тыршыман.

Вӱд йоктарыше

Шушаш ийыште илышыштыда ятыр кугу вашталтыш лиеш. Сандене мом кунам ыштышашым раш палемдыман. Кугу кӱкшытыш шуаш манын, уш-акылым пойдарыман, вий-куатым чаманыде пашам ыштыман. Паша верым вашталтен кертыда. Тидыже ончыкыжым илышдам эшеат сайракым ышташ полша. Йӧратымаш кылыште чылажат ондакысе семынак лиеш.

Кол

Тендам моткочак куанле идалык вуча. Тиде тыгак лийже манын, мом палемдымым вигак ышташ тыршыман. Тыге пашаштат кугу кӱкшытыш да лектышыш шуын кертыда. Тидыже шийвундым эшеат чот ешараш полша. Южыштын июль кыдал деч вара илышыштышт кугу вашталтыш лиеш. Тыгак шукышт ешым чумырат, икшывым ыштат.

 Л.Камалетдинова

Опубликовать в Одноклассники

Добавить комментарий