Шорык
Тиде арнян тыланда еҥ-влак молгунамсе деч утларак тӱткышым ойыраш тӱҥалыт. Эн кугу шонымашда шукталтеш. У еҥ дене палыме лияш келшыше жап. Тиде вашкыл ончыкыжым тендам куандараш тӱҥалеш. Тошто таҥ шкеж нерген ушештарен кертеш.
Презе
Нине кечылаште кугу сатум налаш, тӱрлӧ ойпидышым ышташ темлалтеш. Мом шукертсек шоненда, тудым шуктыза. Кызыт чылажат келшен толшын лектеш. Ешыште умылыдымаш тарванен кертеш. Икте-весылан тӱткышым шукырак ойыраш тыршыза.
Йыгыр
Ты пагытыште илышын чыла шӧрыныштыжат кӱшнӧ лийыда. Еҥ-влакын кумылыштым тыматле койыш-шоктышда дене савырен кертыда. Утыждене ойыртемалтшым нимомат ида ыште, уке гын ончыкыжым кужу жап ӧкынаш тӱҥалыда, очыни.
Рак
Кызыт кеч-могай кугу пашам тӱҥал кертыда. Тазалыклан тӱткышым утларак ойырыман. У еҥ дене палыме лийыда. Ончыкыжым илышыштыда тудо чот кӱлешан айдемыш савырна. Личный илышда вучыдымо событийлан поян лиеш.
Лев
Арня куштылгыжак огеш лий. Окса шотышто нелылык вашлиялт кертеш, но вашке чылажат веран верышкыже шинчеш. Тиде жапыште тыланда кугу тӱткышым ойыраш тӱҥалыт. Пашаште у темлымаш-влак лийыт. Ешлан жапым ойырыман.
Ӱдыр
Тиде арнян вучыдымо парышым налын кертыда. Черле улыда гын, тӧрланеда. Йолташда-влакын полшымышт дене карьер тошкалтыш дене кӱзаш йӧн лиеш. Пайдале ойпидышым ышташ келшыше жап. Йогыланыме нерген мондыман.
Виса
Шӱдыр-влак йолташ да лишыл еҥ-влак дене вашкыллан ик эн кугу тӱткышым ойыраш темлат. Нунын деч нимомат пеҥгыдын ида йод, уке гын коклаштыда тума тарванен кертеш. Ӱдыр, ӱдырамаш-влаклан шӱм пелашым утыждене ушкалыман огыл.
Скорпион
Тиде арнян чулымлыкым да чолгалыкым утыжым ончыкташ кумылда огеш лий. Да такшымат шуктымо пашада шонымыда семын огеш лек. Туге гынат ончыкылан планым ыштен кертыда. Илыме верыштыда тӧрлатыме-ачалыме пашам шукташ келшен толеш.
Пикшызе
Пашада дене кылдалтше могай мероприятий лиеш, тушко мийыде ида код. Лач тунам тыланда келшыше темлымашым ыштен кертыт. Тыгак кӱлешан еҥ-влак дене палыме лийыда. Тазалыкым пеҥгыдемдыман, уке гын ондакысе чер уэш палдырна.
Ирказа
Тиде арнян еҥ-влаклан кеч-момат мут дене ойлен огыл, а паша дене шыҥдарыман. Нине кечылаште чоярак лияшат уто огыл. Тыге шонымашкыда куштылгынрак шуыда. Воктеныда улшо еҥ-влак дене кылым пеҥгыдемдеда гын, ончыкыжым нуно тыланда полышым пуат.
Вӱд йоктарыше
Кызыт тыланда сай уверым каласат але ала-могай пашам ышташ темлат да ончыкыжым тудыжо кугу парышым конда. Ӱдыр, ӱдырамаш-влакым шӱмбелышт вучыдымо пӧлек дене куандарат. Йӧратымаш кылда утыр пеҥгыдемеш.
Кол
Ончыч тӱҥалме пашам мучаш марте шуктыман. Тудо лектышан лиеш. Ты шотышто лишыл да воктеныда улшо еҥ-влак, эсогыл кӧ деч тидым йӧршынат вучен огыдал, нунат полшат. Личный илышда романтикылан да кумылым нӧлтышӧ уверлан поян лиеш.
Ӱпым пӱчкаш тарваненда гын
2 сентябрь. Тиде кечын ӱпым пӱчкашат, чиялташат огеш темлалт, уке гын вий-куатдам йомдарен кертыда, окса шотышто нелылык вашлиялтеш.
3 сентябрь. Ӱпым пӱчмӧ шкан ӱшаным ешара. Ӱпым натуральный чия дене гына чиялташ темлалтеш.
4 сентябрь. Ӱпым пӱчмылан кӧра роскотыш пуреда, очыни. Ӱпым натуральный чия дене чиялтеда гын, карьер тошкалтыш дене кӱзеда.
5 сентябрь. Ӱпым пӱчкыда але чиялтеда гынат, уда шонымаш-влак авалтен кертыт.
6 сентябрь. Ӱпым пӱчмӧ деч вара оксада ешаралтеш, кугу сатум налыда. Ӱпым ошалге тӱсыш чиялташ гына келшыше кече.
7 сентябрь. Ӱпым пӱчкыда гын, тӱрлӧ уда деч утледа, тазалыкда пеҥгыдемеш. Ӱпым лучо ида пӱч, уке гын коллективыштыда умылыдымаш лектеш.
8 сентябрь. Ӱпым пӱчкашат, чиялташат огеш темлалт. Молан манаш гын тылеч вара тазалыкда тургыжландараш тӱҥалын, пашаште нелылык лектын кертеш.
Любовь Камалетдинова
