«Единый Россий» партийын ончылгоч йӱклымашкыже Россий мучко 14 тӱжем утла самырык еҥ ушна.
Нине кандидат 35 ияш марте ийготан улыт. Кугурак ужашыже – 13 тӱжем наре еҥ – верысе самоуправлений органлашке сайлымаш кампанийлашке ушнаш регистрироватлалтын. Тиде, партийын «ПолитСтартап» проектше дене келшышын, ончылгоч йӱклымашке самырык-влакым ушымо шотышто системный манме пашан лектышыже.
Регистрироватлалтше участник-влакын чотышт дене эн чолга регион-влак радамыште Москва, Брянск, Волгоград, Челябинск, Пенза, Иркутск областьла, Краснодарский, Хабаровский край-влак, Крым Республик, Ингушетий, Башкортостан да Марий Эл улыт.
— Ӱмаште декабрьыште «Единый Россий» партийын XVIII съездыштыже 2019 ийыште ончылгоч йӱклымашлан МГЕР (Молодая Гвардия Единой России) 10 тӱжем самырык еҥым ямдыла манын увертаренна ыле. Тунам тиде цифр моткоч кугула чучын. Но кызытсе жаплан 145000 утла участникым регистрироватлыме. Тиде верысе, региональный да федеральный кӱкшытлаште ышталтын, — каласен МГЕР-ын Координационный Советшын председательже Денис Давыдов.
Тудынак ойлымыж почеш, сайлымаш эртыме регионлаште праймериз кечын МГЕР ситуационный рӱдер-влакым почеш. Нуно йӱклымаш кузе эртымым шымлаш, статданный-влак шотышто анализым ышташ, законым пудыртымаш лиймым участкылаште да Интернетыште эскераш тӱҥалыт.
— Федеральный ситуационный рӱдер Москваште пашам ышташ тӱҥалеш. Йӱклымаш кузе эртыме нерген субъектла гыч чыла данныйым тушто чумырат. Кече мучко рӱдер дене вияш кылыш тӱрлӧ регион гыч самырык кандидат, эскерыше да волонтер-влак лекташ тӱҥалыт, — каласен Д.Давыдов.
Л.КАМАЛЕТДИНОВА.
