Марий Элыште «Умники и умницы» всероссийский гуманитарный олимпиадыш отбор тӱҥалын.
Тушко 10-шо класслаште тунемше-влак ушнен кертыт. Сеҥыше-шамыч шинчымашым федерал кӱкшытыштӧ ончыктат да варажым нунылан Россий Федерацийысе МИД-ын Тӱнямбал кыл шотышто Москвасе кугыжаныш институтыш (МГИМО) пураш льготышт лиеш.
Олимпиадыш ушнаш 2026 ий 8 февраль марте регионысо «Волгенче» рӱдерын сайтыштыже йодмашым пуыман.
Тений шошым очный финал лиеш.
Г.Кожевникова
