Сургутышто «Тарелкаште – кече» ӱярня пайрем эртен. Тудо «Сургут – мемнан пӧртна» проект кышкарыште лийын. Тушто мастарлыкым ятыр коллектив ончыктен. Тусо «Марий ушем» мер организацият Ӱярням ужатымашке ушнен.
«Ӱярнян моторжо» конкурсышто Марианна Ибашева (снимкыште) Шернур вел сӱан вургем дене лектын, жюрин кумылжым савырен да кумшо верым сеҥен налын. Тыгак «Марий ушемын» еҥже-шамыч «Ӱярнян боярыньыже» конкурсыш чучылым аклаш луктыныт. Юкече лӱман ӱярня курчакым сӱретче Юрий Таныгин ямдылен. Тыгак марий чолгаеҥ-влак «Юмынӱдыр» легендым сценыште устан модын ончыктеныт.
Р.СУНГУРОВА
