9 январьыште Кужэҥер районышто образований пашаеҥ-влак коклаште волейбол дене районын первенствыже эртен. Финалыште Ӱштымбал ден Коҥганур школ-влакын туныктышышт таҥасеныт. 2:0 счет дене икымше командыже сеҥышыш лектын.
3-шо да 4-ше вер-влак верч Руш Шой ден Йӱледӱр гыч туныктышышт таҥасеныт. Кокымшо командым икымшыже 2:0 счет дене сеҥен.
Таҥасымаште эн сай защитниклан Максим Королёвым (Ӱштымбал школ), нападающийлан — Дмитрий Петуховым, разыгрывающийлан — Вячеслав Еменгуловым (коктынат Коҥганур школ гыч улыт), эн сай модшылан Ӱштымбал школ гыч Дмитрий Ельмекеевым да Диана Ельмекеевам шотленыт.
Л.Камалетдинова.
