15 июльышто Кужэҥер район Руш Шой селаште велосипед дене (рогейн) Юл кундемысе федерал округын открытый чемпионатше ден первенствыже лийыт. Тудо этнотиуризмым вияҥдыме дене кылдалтын.
Рогейн – Российыште спортын аккредитацийым эртыдыме видше. Тудо спорт ориентирований деке лишкырак. Тушто команде-влак ойырымо жапыште карт да компас полшымо дене пункт-влакым эртышаш да шукырак баллым погышаш улыт. Спортын ты видше нерген www.rogaining.ru Интернет сайтыште пален налаш лиеш.
Таҥасымашке ушнаш кумылан-влак йодмашым orientmari@ya.ru электрон почтыш колтышаш да orgeo.ru/event/4720 сайтыште регистрацийым эртышаш улыт, тыгак лекше але взносым тӱлымӧ шотышто йодышлан вашмутым 97-32-50 телефон номер дене (Роман Смирнов) пален налын кертыт. Тыгак рогейнын кузерак эртымыж нерген уверым rogaining.ru/rules Интернет сайтыште рашемдаш йӧн уло.
Снимкыште: Рогейн дене таҥасымаш шокшын эрта.
