4 июньышто Волжский район Руш Шайра ял воктене курыкыш куржталме дене ветеран-влак коклаште Российын чемпионатше, Россий гран-прин VIII этапше эртен.
Таҥасымашке элнан тӱрлӧ кундемже гыч 150 утла спортсмен чумырген. Российын да Марий Элын кубокшым Медведево район Цибикнур ялын эргыже Сергей Семёнов налын. Тудо кызыт Россий МВД-н Казанский юридический институтыштыжо туныкта.
Ты соревнованийыште куржталаш йӧратыше-влакын «Марий Эл» клубышт (капитанже- Вячеслав Мартьянов) сай результатым ончыктен. В.Романов, В.Степанов, Н.Васильев, О.Садко, Е.Горохова, З.Рябчикова, Т.Самойлова, А.Васильева шке ийготан-влак коклаште икымше лийыныт.
Общий зачетышто «Марий Эл» команде икымше верым налын. Курыкыш куржталме дене первенствын командный кубокшо дене палемдалтын.
Л.ШАБДАРОВА.
Снимкыште: Мӱшылъер воктене эртыше таҥасымашке ушнышо марий спортсмен-влак.