УВЕР ЙОГЫН

Ӱпым пӱчкаш тарваненда гын

29 март. Тиде кечын ӱпым пӱчкаш огеш темлалт – тазалыкда начаремын, шӱмда дене нелылык лектын кертыт. Ӱпым натуральный чия дене шемалге тӱсыш чиялтеда гын, чондам ласкалык авалта.

30 март. Илышда вашталтше манын шонеда гын, таче ӱпым ида пӱч. Ойыртемалтше тӱсыш чиялтеда гын, воктеныда улшо еҥ-влак дене кылым саемдеда.

31 март. Таче ӱпым кеч изишлан кӱчыкемдеда гынат, тазалыкда лунчырген, оксада шагалемын кертыт але иктаж-мо деч посна кодыда. Ӱп тӱсым вашталтыме дене кӧргӧ вий-куатда ешаралтеш.

1 апрель. Ӱпым пӱчкаш келшыше кече огыл. Чиялташ лиеш.

2 апрель. Тиде кечын ӱпым пӱчкыда гын, кумылда нӧлталтеш, тазалыкда саемеш. Эсогыл пӱрымашда утларак куандарыше лиеш. Чиялтеда гын, иктаж-мом вучыдымын налыда.

3 апрель. Ӱпым пӱчкашат, чиялташат огеш темлалт – кумылда волен, стресс лийын кертыт.

4 апрель. Таче ӱпым пӱчмылан кӧра кумылда вола, иктаж ойго лийын кертеш. Илышда пытартыш жапыште пешыже куандарен огыл гын, тылеч вара сай велыш вашталтше манын, ӱп тӱсым вашталташ келшен толеш.

Л.КАМАЛЕТДИНОВА

Опубликовать в Одноклассники

Добавить комментарий