Ончычсо вуйлатыше Нина Сергееван вес олашке илаш куснымыжлан кӧра кадр йодыш пӱсын шогалын. Ушемым тымарте, пел ий утларак, Нина Деревянных вуйлатен, но черетан сессийыште тиде паша гыч кораҥдаш йодын.
Тӱлыдыман мер пашам шукташ районысо администрацийын ончычсо кок пашаеҥже кумылым ончыктен, тиде – Нина Фоминых ден Людмила Фадеева. Ветеран-влак председательын должностьышкыжо кокымшыжым ик йӱкын сайленыт, тудын «пурла кидшылан», алмаштышыжлан – икымшыжым. Президиумымат уэмденыт.
Таче Ветеран ушем пашажым умбакыже шуя. У состав 25 январьыште Тачанан кечыжым палемдаш ямдылалтеш.
М.ИВАНОВА.
