Биатлон дене Звенигово гыч Надежда Белкина Украинын командыж дене пырля тӱнямбал кубокышто таҥасен. Тыгак IBU кубокын шымше этапыштыже вийжым терген, сай результатым ончыктен, спринтыште 10-шо верымат налын. Палемдыме корным ӱдыр йоҥылыш, штраф деч посна эртен.
Ты тургымышто, Надежда ноябрь мучаште Украинын тӱҥ командыж дене пырля биатлон дене тӱнямбалын чемпионатыштыже таҥасен. Тӱҥямбал кубок верч таҥасымаш 30 ноябрь гыч 8 декабрь марте шуйнен. Тӱрлӧ амаллан кӧра пешыжак сай результатым ончыктен огылат, Надеждам кокымшо командыш («В» группыш) кусареныт. Кызыт марий ӱдыр ты команде дене Австрийыште Европын чемпионатыштыже вийжым терга. 27 декабрь деч вара нылымше этаплан ямдылалташ тӱҥалыныт. Биатлонистке ятыр ий Украинын тӱҥ командыжын чапшым арала. Землячкыланна сай результатым, пиалан ечыгорным тыланена.
Е.ЭШКИНИНА
