«Кугу Какшан» заповедникыште ир янлык ден кайыквусым кӱшыч эскераш йӧным пуышо верым келыштареныт.
Тудым Шушъер ер воктене вераҥдыме, молан манаш гын тушто тӱрлӧ урлык кайыклудо шуко ила. Шошым да шыжым тора кундемлаш чоҥештылше кайык тӱшкат лач тушко канаш волат. Вышкым шогалтыме дене эколог-влаклан шанче пашам шукташат куштылгырак лийын. Тушто ӱстелым, олымбалым, окнамат почын тӱчаш лийшын келыштарыме. Фото ден видеосьёмкым эртарашат йӧнан.
Тыгай вышке заповедникыште ынде кокыт уло. Икымшыжым 2013 ийыште Аргамачыште шогалтеныт улмаш. Вышке воктенак янлык ден кайыквусым пукшымо верым ыштыме. Сандене тушто ир янлык эре ситышын.
С.Носова.
