КАЛАСЕ, "МАРИЙ ЭЛ"

Юрист умылтара: Мут кучаш шогалтат

Мый граждан службышто ыштем. Декларацийыштем роскотым ыштымаште келшен толдымашым муыныт. Тидлан мут кучаш шогалтен кертыт мо? 

Н.Гаврилов.
Оршанке район.

Йодышлан Медведево районысо прокурорын алмаштышыже Роман Голиков вашештен:

— Контрольышто улшо лицан да тудын ешыжын членже-влакын доходышт дене роскотышт коклаште келшен толдымаш лектеш гын, чынжымак, кугыжаныш служащийылан мут кучаш логалеш.  

Тыге, «Кугыжаныш должностьышто ыштыше да моло лицан доходыштын роскотыштлан келшен толмым тергыме нерген»  федерал законын 16-шо статьяжын 3-шо ужашыштыже ончыктымо дене келшышын, роскотым тергыме годым служащийын шкенжын веле огыл, тудын пелашыжын да ийготыш шудымо икшывыже-влакын ыштыме роскотышт  нунын тӱшкан ыштен налме доходышт деч кугурак  лиеш гын, тергыме материалым кум кече жапыште прокуратур органлашке колтат.

Вара прокуратур орган-влак тергыме еҥын тугай погыжым РФ-н доходышкыжо савырыме нерген йодмашым палемдыме радам почеш судыш пуат, могайжым законный доход дене налмым коррупций ваштареш кучедалме нерген законодательстве дене келшышын ӱшандарен ончыктымо огыл.

С.Носова ямдылен.

Опубликовать в Одноклассники

Добавить комментарий