2019 ийыште Звенигово районым ыштымылан 95 ий темеш. Тиде юбилей вашеш администраций районын илыш корныж нерген книгам лукташ шона.
Тушко палынак оҥай да шуэн вашлиялтше фотографий, кумдан чапланыше земляк, ойыртемалтше ял, посёлко, тыгак ола нерген ойлымаш-влакым пурташ палемда. Кызыт кугезе коча-кова, ача-ава-влакын оҥай илышышт да чапланыше пашашт, шочмо ял нерген материалым пога.
Калык книгалан келшыше материалым тыгай адрес дене конден кертеш: Звенигово ола, Ленин урем, 39-ше пӧрт, 415-ше пӧлем. Олашке мияш йӧн уке гын, adzven@rambler.ru электрон почтыш колтен сеҥа. Тыгак Российын почтыжланат эҥерташ йӧн уло. Телефон: 8 (83645) 7-33-70; 7-17-55.
М.ИВАНОВА.
