28 ноябрь гыч Звенигово районышто РТРС-ын Марий Эл Республикысе филиалжын кокымшо мультиплексшын тестовый трансляцийже пашам ышташ тӱҥалын. Ынде 50 тӱжем утла еҥ чапле цифровой качестван эше 10 каналым чылт яра ончен кертеш. РТРС-2 вещаний Звенигово оласе, Эсмекпляк, Шемшӱргӧ, Кӱшнур ялласе башньыла гыч 56 телевизионный канал дене эрта.
«Звенигово районышто илыше-шамыч тиде кечым шукертсек вученыт, вет тымарте нуно аналоговый манме вещанийын каналжым нылыт деч шуко ончен кертын огытыл. Ынде изи яллаштат, тора посёлкылаштат кугу олалаште илыше-влакын ончымо наре каналым эскерен кертыт», – манеш РТРС-ын Марий Эл Республикысе филиалжын директоржо Андрей Шадрин.
Цифровой телевидений нерген радамлынрак СМОТРИЦИФРУ.РФ сайт але РТРС-ын 8 800 220 20 02 яра шокшо линийже полшымо дене пален налаш лиеш.
М.ИВАНОВА.
