20 сентябрьыште Марий кугыжаныш университетыште Марий Эл правительствын, Стратегий инициативе агентствын, республикысе бизнес-ссобществын полшымышт дене «Шолшо точко» мероприятий почылтеш.
Тушто республикнан социальный ден экономике илышыжым вияҥдаш полшышо тӱрлӧ шонымашым, проектым илышыш шындарыме нерген кутыраш тӱналыт, «Образований миграций: ӱжмаш ден эн сай практике» пленарный заседаний лиеш. Тыгак Марий Элын опорный вузшын да Стратегий инициативе агентствын еҥже-влак пырля пашам ыштыме шотышто келшымашке кидпалыштым пыштат. Тылеч посна добровольчестве дене эксперт сессий, регионышто кӱкшӧ технологиян производствым вияҥдыме дене кылдалтше панельный дискуссий, тӱрлӧ «йыргешке ӱстел»-влак эртат. Студент ден школышто тунемше-шамычлан «Ончыкылыкын профессий тӱняже» модыш, «Робототехнике», «Йӧным ыштыше ярмиҥга» выставке-влак лийыт.
Мероприятийыш ушнаш шонышо-шамыч LEADER-ID сайтыште регистрироватлалтшаш да Марий Элыште шыжым эртыше иктаж проектышке ушнышаш улыт. Ешартыш уверым 8-937-939-14-00 телефон номер дене але bi@marsu/ru электрон почтыш йодышым колтен пален налын кертыда.
Л.ШАБДАРОВА.
