Республикысе кожно-венерологический диспансерын специалистше-влак Патриарший площадьыште «Дермоскопий – кава йымалне» акцийым эртареныт. Ныл кече жапыште 1029 еҥ коваштыжым терген. Нунын кокла гыч 48 пациентым Республикысе онкологий диспансерыш утларак келгынрак тергалташ колтымо, кум еҥын осал чержым пален налыныт. Тыгай акций икымше гана 2020 ийыште лийын, но коронавирус инфекций шарлымылан кӧра еҥ-влакым шочмо палыштым тергаш диспансерыш огыл, а оласе площадьыш ӱжыныт.
Л.СЕМЕНОВА
