ТАЗАЛЫК

Эше кумло верым ыштыме

Республикыштына у коронавирус инфекций дене черланыше-влакын чотышт кечын кугемеш. Тидыжым регионын 10 инфекционный стационарыштыже 1050 утла пациентын COVID-19 да пневмоний деч эмлалтмыштат пеҥгыдемда.
Марий Элын Тазалыкым аралыме министерствыжын увертарымыж почеш, таче республикыштына ковидный манме 1247 койко уло: Йошкар-Оласе больницыште – 240, Волжск оласе рӱдӧ больницыште – 150, Марий Турек районысо рӱдӧ больницыште – 120, Звенигово районысо рӱдӧ больницыште – 70, Козьмодемьянск межрайонный больницыште – 75, Йоча республиканский клинический боольницыште – 50, Медведево районысо рӱдӧ больницыште – 187, Сар-влакын ветераныштын республиканский клинический госпитальыштышт – 135, Оршанке районысо рӱдӧ больницыште – 120, Советский районысо рӱдӧ больницыште – 100 койко.
Медик-влак ситуацийын эшеат нелемын кертмыжым умылат да тидлан эреак ямде улыт – 5 ноябрьыште коронавирус да пневмоний дене черланыше пациент-шамычлан медицине полышым пуаш эше 30 верым ыштыме: Оршанке районысо рӱдӧ больницыште 20 койкым келыштарыме, Советский районысо рӱдӧ больницыште – 10 койкым.

М.ИВАНОВА

Опубликовать в Одноклассники

Добавить комментарий