2019 ий мучаш марте Марий Элыште эше ик фельдшер-акушер пунктым чоҥен шуктышаш улыт.
Республикысе медицине организацийлам вуйлатыше, страховой организацийлан да верысе ОМС-ын еҥже-влакын шукерте огыл эртыше совещанийыштышт мутланыме почеш, Оршанке районысо Марково ялыште ФАП-ым чоҥымо шотышто электрон аукцион мучашлалтын, тиде тӧнежым тений 1 октябрь марте чоҥен шуктышаш улыт. Тылеч посна модульный 11 медицине комплексым налаш контрактым ыштыме. Тудын чумыр суммыжо 101 млн. теҥгеш шуын. Марий Элыште первичный медико-санитарный полышым пуымо рӱдерым почмо.
Марий Элын Тазалыкым аралыме министерствыжын увертарымыж почеш, перегыше производствын принципше Йошкар-Оласе йоча больницын 3-шо №-ан поликлиникыштыже тичмашнек да Волжск оласе рӱдӧ больницын йоча поликлиникыштыже ужашын кучылталтеш.
М.ИВАНОВА
