Йошкар-Олаште Карл Маркс ден Хасанов уремла ушнымаште йолешке вончышым вес семын пужен ышташ тӱналыт.
Тыгай уверым «Йошкар-Олам тӱзатымаш» группышто палемдыме. Ончыч ты тураштыже «зебре» гына лийын гын, ынде уремлам вончымо верым кок велымат сайынрак волгалтараш тӱҥалыт. Но тыште чӱкталтын-йӧрталтше понар-влакым огыт шогалте.
Автомашинам виктарышын тӱткышыжым тидын тураште эшеат чот кугемдаш манын, урем-влак ушнымаште толын шумо деч ончыч чарналтен шогалаш изирак асфальт кӱкшакам нӧлталаш шонат.
Р.Чепакова.
