УВЕР ЙОГЫН

«ЭтноКино – 2018» фестивальыште Марий Элысе кином палемденыт

Екатеринбургысо Кино пӧртыштӧ «ЭтноКино – 2018» онлайн-фестиваль мучашлалтын. 

Россий Федераций Финн-угор тӱвыра рӱдерын В.Д.Поленов лӱмеш ГРДНТ-н филиалжын «Коми. Наследники древних традиций» этнографический документальный фильмже «Урал» ГТРК-н дипломжо дене палемдалтын.

Инновационный тӱвыра рӱдерын дипломжо «Путешествие Кандинского к «Вратам смерти» фильмлан (режиссёржо –Д.Дик, сценарийын авторжо – И.Котылева, Коми Республик) логалын.

А.А.Литвинов лӱмеш призым Дальневосточный киностудий «Театр «БУРИ». Время сновидений» (режиссёржо – А.Самойлов) видеопашажлан налын.

«ЭтноКино» фестивальын дипломжо дене Саха Республикын «Ийэ кут» («Дух Матери», режиссёржо – П.Ноговицына) картиныже наградитлалтын.

Санкт-Петербургын «Солнышко за полярным кругом» (авторжо-влак – А.Терёхина ден А.Волковицкий) кинокартиныжлан «Областной газетын» дипломжым пуымо.

«Марий Эл» ГТРК-ште редакторлан пашам ыштыше Алёна Мекчилован «Истинная красота» фильмжым Свердловск областьысе фильмофонд  кӱкшын аклен да дипломжо дене палемден.

«ЭтноКино – 2018» фестивальыш темлыме чыла фильмым июль мучаш марте онлайн ончаш лиеш.

М.ИВАНОВА.

Опубликовать в Одноклассники

Добавить комментарий