«Россия – страна возможностей» платформын «Доброволец России – 2020» проект кышкарыште шке кумылын поро пашам шуктымо проектла верч йӱклымаш 13 ноябрь марте шуйна. Тӱҥ пунчалым аклыше еҥ-влак луктыт гынат, калыкын ойырен налме проект шотыш налалтеш. Тыге эн сай пашан пӱрымашыже – мемнан кидыште, манаш лиеш.
Россий мучко пурышо 53 219 йодмаш гыч 210 проектым сайлан шотленыт. Марий Эл гычынат 500 утла паша пурен. Тушеч шым уста еҥын проектышт ончыко лектын. Тиде — «Полышым пуаш шочшо-влак» номинацийыште Анастасия Иванова «Ребятка-поварятка» ден Константин Ширеевын «Конструктивное бюро: «Инклюзив», «Кумылаҥдарыше сымыктыш» номинацийыште Дарья Савчук «Читалочка» ден Маргарита Жирован «Дорога к творчеству», «Йочалан полыш» номинацийыште Мария Иванова «Мы вместе», ден Виктория Сорокинан «Дружный двор», Инклюзивный лагерь», «Ончыкылыклан ӱшан» номинацийыште Арина Полякован «Фронтовые концертные бригады» проектышт.
«DOBRO.RU» сайтыш пурен йӱкым кодыман. Сеҥыше-влакын лӱмышт 5 декабрь национал доброволец кечын пале лиеш.
О.МОШКИНА
