ТАЗАЛЫК

Эн ончычак – коронавируслан

Регионнан Тазалыкым аралыме министерствыжын «Марий Эл Республикыште йот граждан ден гражданстве деч посна улшо еҥ-влакын медицине велым тергалтмыштым организоватлыме нерген» кӱштымашышкыже вашталтышым пуртымо. Тудын дене келшышын, палемдыме еҥ-влак сифилис, лепра, ужармужо, ВИЧ да инфекциян моло чер деч посна эше коронавируслан тергалтшаш улыт.
Медицине велым тергалтмышт деч ончыч йот граждан-шамычын логараҥышт да неррожышт гыч мазокым налашлан да тудым полимеразный цепной реакций йӧн дене SARC-COV-2 инфекцийлан шымлашлан лабораторийышке направленийым пуат. Тиде шымлымашын отрицательный результатым ончыктымыж деч вара веле нунылан палемдыме радам почеш тергалташышт медицине заключениян бланкым пуат.

М.ИВАНОВА

Опубликовать в Одноклассники

Добавить комментарий