Россий Федерацийын Мер палатыже продукт ден эмлыше препаратлан акым негыздымын кӱзыктымӧ йодыш шотышто шокшо линийым почын.
Марий Элыште илыше-влак тиде але вес кочкышлан да медикаментлан акым негыздымын кӱзыктымӧ манын шотлат гын, тидын нерген 8 (800) 737-77-66 номеран телефон дене яра йыҥгыртен каласен кертыт. Шокшо линий шочмо гыч изарня марте 9 гыч 18 шагат йотке, кугарнян 9 гыч 16.45 шагат марте пашам ышта. Тушко пурышо кажне увер тунамак шотыш налалтеш да Россий Федерацийын Генеральный прокуратурышкыжо колталтеш.
Ушештарена, Мер палате тыгак льготан эмым налше граждан-влакын праваштым пудыртымо шотышто мониторингым эртара. Вуйшиймашым press@fondzdorovie.ru. электрон адресыш колташ лиеш.
М.ИВАНОВА.
