УВЕР ЙОГЫН

Элна дене кугешнаш ӱжыт

Самырык ден йоча-влак коклаште шочмо элым йӧратыме шӱлышым шараш, нунын граждан позицийышт чолгарак лийже манын, «Моя гордость-Россия» национальный молодежный патриотический конкурс увертаралтын.

Тушко йодмашым 27 октябрь гыч налаш тӱҥалыт. Конкурсыш колтымо материал-влакым 6 декабрь марте аклат. Сеҥыше-влакым Российысе субьект-влакын исполнительный кучемыштын органже-влак 31 декабрь марте палемдышаш улыт.

Конкурсыш 11 гыч 18 ияш марте общеобразовательный ден профессионально-образовательный организацийлаште тунемше-влак ушнен кертыт. Тушко икмыняр тематичекский направлений дене пашам колташ лиеш:  «Фотографий», «Сӱрет», «Видеоролик», «Социальный плакат», «Сочинений», «Литературный творчестве», «Журналистике». Тений эше ик у тематический направлений уло, тиде — «Чодыра — национальный поянлык». Йоча-влакын конкурслык пашаштышт еҥ-влакын илышыштышт чодыран верже нерген шонымаш лийшаш.

Марий Элын Пӱртӱс поянлык, экологий да йырым-йырысе средам аралыме министерствыже кумылан-влакым ты конкурсыш ушнаш йодеш. Эшежым сеҥышыш лекше икшыве-шамычлан пӧлек шотеш «Орленок», «Океан», «Смена» всероссийский лагерьлаш да «Артек» тӱнямбал йоча лагерьыш путевко-влак лийыт.  

Конкурсым эртарыме условий нерген рашрак www.rosdetstvo.com сайтыште пален налын кертыда.

С.НОСОВА

Опубликовать в Одноклассники

Добавить комментарий