8-10 августышто Т.Евсеев лӱмеш национальный музей ден Звенигово районысо краеведений тоштер Провой кундемыште этнографий экспедицийым эртареныт.
Экспедицийын еҥже-влак Кужмарий, Кожвож, Вакшсола Памъял, Ӱлыл Памъял, Ӧрзалак да Чуваш Отар кундемлаште лийыныт, тыгодым еш йӱла, марий ден чуваш-влакын пайремлаштын ойыртемышт дене палыме лийыныт, этнографий сынан шуко поян материалым погеныт. Поснак шоҥгыеҥ-влакын ял илышын кугезе йӱлаж нерген каласкалымыштым куанен колыштыныт.
Ялла еда коштын савырныме деч вара экспедицийын участникше-шамыч погымо материалым обработатлат, иктешлыше статьям возат, тематический ончерым келыштарат.
М.ИВАНОВА