Россий Пенсий фондын Морко районысо виктемжын клиент службыштыжо электрон черет пашам ышташ тӱҥалын.
Ынде клиент-шамычлан специалистын приёмышкыжо логалашлан черетым налаш, тудым тургыжланен эскераш огеш кӱл. Терминал гражданинлан клиент службыш толмо амалым ойырен налаш темла да тидлан талоным пуа. А вара, окнан номержым палемден, клиентым специалистын приёмышкыжо ӱжыт. Шотым мудымо годым электрон черет дене консультант пайдаланаш полша.
Россий Пенсий фондын Морко районысо виктемже страховатлалтше 36 тӱжем наре еҥым обслуживатла, ты чот гыч 9400 гражданже пенсионер-влак улыт. Клиент службыш кече еда кокла шот дене 60 наре еҥ тӱрлӧ йодыш дене толеш.
Электрон черет клиент службыш толшо граждан-влакын йогыныштым чын виктараш, калык дене ыштыме пашам кугурак кӱкшытыш нӧлталаш полша.
М.ИВАНОВА
