Марий Элын Ялозанлык да продовольствий министерствыжын увертарымыж почеш, 26 сентябрьлан республикыште пырчан да отызан культурым чумыр 141 тӱжем утла гектар гыч 111,5 тӱжем гектарыштыже солымо, тышеч 111,1 тӱжем гектарыштыже шийме. Тидыже 79 процент лиеш. Ик гектарлан шотлымаште кокла шот дене 20 центнер дене лектеш (ӱмаште 18 центнер лийын).
Кокияш уржам 22,2 тӱжем гектарыште шийме, шыдаҥым 31 тӱжем наре гектарыште поген налм. Кажне гектар гыч 25 центнерым шийме (ӱмаште 18,9 центнер лийын). Шож лектышат ӱмашсе деч (18,1 центнер) сайрак – ик гектар гыч 20,1 центнерым погат. Ты культурым 24,7 тӱжем гектар кумдыкышто шийме. Шӱльым 14 тӱжем гектарыште погымо, гектар еда 19,2 центнер лектын.
Пареҥгым чумыр 2057 гектар гыч пелыже утлаште поген налме. Кажне гектар гыч 138 утла центнер дене лектеш (ӱмаште 172 центнер дене налме). Чумыр 1283 гектар пакчасаска гыч 194 гектарыштыже поген налме. Лектыш — ик гектарлан шотлымаште 170 центнер, ӱмаште 225,5 центнер дене погеныт. Мландым 74,6 тӱжем гектарыште кылмаш куралман, 312 тӱжем гектарыште (42 процент) тиде пашам шуктымо.
А.АНДРЕЕВ
