«Марийская правда» газет вуйлатышын должностьышкыжо еҥым шогалтышашлан йодмаш налалтеш.
«Марийская правда» газет» ОАО-н уставше дене келшышын, изданийын генеральный директоржо – тӱҥ редакторжылан собственникын темлымыж почеш, тудыжлан республикын Кугыжаныш пого министерствыже лӱм дене Марий Эл Республик шотлалтеш, Директор-влак совет шогалта.
Вуйлатышылан шкем темлыме нерген резюмем да «Марийская правда» газет» ОАО-м вияҥдыме шотышто шонымашым 2017 ий 18 август марте Марий Эл Республик вуйлатышын мер кыл да увер управленийышкыже uinf@gov.mari.ru адрес дене колтыман.
«Марийская правда» газет» ОАО-н ончычсо тӱҥ редакторжо – генеральный директоржо пашам шке кумылын кодымыж нерген йодмашым пуэн.
