«Рӱдӧ да Юл кундем Россеть Мариэнерго» потребитель-влакым обслуживатлыме аланыште клиент пашажым умбакыже вияҥда да ешартыш услуго ден сервис-шамычым темла.
Энергоэффективный светильник-влакым кучылтын, уремым волгалтарыме сетьым чоҥымо да технологий велым ушымо, тыгак электрический сеть-шамычым технически обслуживатлыме да олмыктымо, уремысе тулын сетьшым технически обслуживатлыме, электрический сеть-влакым проектироватлыме да чоҥымо, оборудованийым тергыме да диагностироватлыме, электроэнергийым шотлымо приборым шындыме да вашталтыме, сетевой объект-шамычым пужен чоҥымо, технический ресурсым пуымо услуго-влак поснак кугу йодмаш дене пайдаланат.
Тидланже «Рӱдӧ да Юл кундем Россеть Мариэнергон» потребитель-влакым обслуживатлыме офисшат, кугу опытан да кӱкшӧ квалификациян персоналжат, республикын кажне районыштыжо верланыше производственный базыжат, спецтехнике ден оборудованийжат, допуск ден лицензийжат, ыштыме пашалан гарантийжат улыт.
Потребитель-влак услугын шулдо акше ден чапле качествыжым, электроустановко дене пайдаланыме лӱдыкшыдымылыкым, нормо да правил-влак дене келшышын шуктымо пашалан пуымо гарантийым сай велым палемат.
Услугын переченьже, акын прейскурантше, йодмашым пуымо вер да радам дене кылдалтше йодышлам «Рӱдӧ да Юл кундем Россеть» ПАО-н сайтыштыже (http://www.mrsk-cp.ru) «Потребитель-влаклан – Ешартыш услуго-шамыч – Мариэнерго» разделыште, тыгак https://market.mrsk-cp.ru/ адрес дене пашам ыштыше интернет-кевытыштыже да контакт-рӱдерыштыже 8-800-220-0-220 номеран телефон дене чылт яра рашемдаш лиеш.
М.ИВАНОВА
