Марий Элын Тазалыкым аралыме министерствыжын палемдымыж гыч, 13 апрель эрдене Йошкар-Оласе больницын инфекционный отделенийыштыже 91 еҥ эмлалтын. Нунын кокла гыч 19 пациент неле состоянийыште, 71 еҥын тазалыкшым «нелылыкын кокла йыжыҥже» семын аклат, иктыным – «нелылыкын куштылго йыжыҥже» семын.
Кум пациент шодым искусственно вентилироватлыме йӧн дене шӱла, 35 черлылан кислород кӱлеш.
Йоча республиканский клинический больницыште ныл икшыве эмлалтеш. Изи пациент-влак шкеныштым сайын шижыт.
Звенигово районысо рӱдӧ больницыште эмлалтше у коронавирус инфекциян пациентат шкенжым сайын шижеш.
Козьмодемьянск межрайонный больницын инфекционный отделенийыштыже вич пациент кия. Врач-влак ныл еҥын состоянийжым «нелылыкын кокла йыжыҥже» семын аклат, икте кислород полшымо дене шӱла.
Медведево районысо рӱдӧ больницын коронавирус инфекциян пациент-влаклан хирургический да акушерско-гинекологический профилян медицине полышым пуымо отделенийыштыже кок ӱдырамаш эмлалтеш. Пациент-влакын состоянийышт «нелылыкын кокла йыжыҥже» семын аклалтеш.
Республикын стационарлаштыже у коронавирус инфекциян 19 пациент эмлалтеш, моло 61 еҥым участкысе врач-шамыч мӧҥгыштышт эскерат.
13 апрель марте Российысе 82 регионышто 18328 еҥ у коронавирус инфекций дене авалталтын. Ты чот гыч 1470 черле паремын, 148 пациент колен.
М.ИВАНОВА
