Врач-шамычат, калык эмлызе-влакат тӱрлӧ чер деч каза пун дене пидме шовычым кучылташ темлат.
- Тудо чот шокшышто утыждене ырыме, чот йӱштыштӧ утыждене кылмыме деч арала. Йыжыҥым эмлыме годым арам огыл кукшо компресс ӱмбач пӱтыралыт.
- Каза пун дене пидме шовыч кылмен черланыме деч сайын полша.
- Радикулит да полиневрит годым кыдалыш кылдат.
- Шовычын кукшо шокшыжо лимфаденитым эмла, йыжыҥ да верге корштымо деч полша.
- Каза пун дене пидме шовыч – натуральный лыпландарыше средстве. Пушкыдо пун коваште ӱмбалнысе нерве мучашым массироватла да луштара, вӱр коштмо пашам саемда.
- Каза пунышто ланолин уло. Тудыжо аллергий да пуалме деч кучылталтеш, тыгак сусырым, тодылмо верым писынрак иландараш полша.
М.ИВАНОВА.