Марий Элыште регионыштына шочын-кушшо, чек вес велне илыше граждан-влаклан шочмо элыш шке кумылын куснаш полшымо программе пашам ышта. Тудо регионым социально-экономически вияҥдаш да экономикылан квалифицироватлыме специалист-влакым ситараш виктаралтын.
Тиде программе дене келшышын, 2017 ий тӱҥалтыш гыч таче кече марте Марий Элышкына 44 еҥ толын, нунын кокла гыч 36 гражданин – Украина гыч, 5 – Таджикистан гыч, 3 – Азербайджан гыч. Пашам ыштен кертше 31 еҥ гыч 27 гражданинлан паша верым мумо. Нунылан 128 тӱжем теҥге кугыт финанс полышым пуымо.
М.ИВАНОВА.