ПЕНСИЙ

Шийвундым ешарат

Марий Элыште илыше 17 тӱжем пенсионер 1 апрель гыч кугурак пенсийым налаш тӱҥалеш. Тиде жап гыч социальный пенсийым 3,4 процентлан индексироватлат.
Ушештарена: социальный пенсийым страховой пенсийлан правам налдыме еҥ-влаклан тӱлат. Тиде радамыш I, II да III группо инвалид, инвалид йоча, ача-аваж кокла гыч иктыжым але когыньыштымат йомдарыше да ача-аважым палыдыме йоча-шамыч пурат. I группо инвалид йоча ден икшыве годсек инвалид-шамычын пенсийышт 13912,10 теҥге лиеш, I группо инвалид-влакын социальный пенсийышт – 11593,58 теҥге.
Социальный пенсийым налше-шамыч радамыште тыгак пеҥгыдемдыме паша стаждыме але страховой пенсий марте стажым поген шуктыдымо-влак улыт. Пенсийым нунылан пенсий ийготыш шумо деч вич ий вара палемдат.
Социальный пенсийым индексироватлыме дене пырля Россий Федераций ончылно кугу кӱкшытыш шумылан палемдыме кугыжаныш обеспечений шотышто пенсий, тылзе еда тӱлыман ешартыш материальный обеспечений да моло выплате 1,034 коэффициентлан кугемыт.
1 апрель гыч военный травмылан кӧра инвалид лийше, Кугу Отечественный сарын участникше-влаклан, нунын тулык ватыштлан, колышо военнослужащийын ача-аважлан да «Жителю блокадного Ленинграда» знак дене палемдалтше-шамычлан закон дене келшышын тӱлымӧ пенсият кугемеш.

М.ИВАНОВА

Опубликовать в Одноклассники

Добавить комментарий