саламлымаш

Шергакан марий калык!

Марий Мер Каҥаш лӱм дене У 2021 ий да Шорыкйол пайрем дене алал кумылын саламлем.

Эртен кодшо ий мыланна пеҥгыдылыкым ешарен, шке тазалыкнам аралаш, ача-аванам, икшывынам перегаш кӱлмӧ нерген шижтарен, илышнам вес могырым ончалаш таратен. 

У ий у пиал да у сеҥымаш дене кылдалтеш. Тек 2021 ийыште кажне кече тыланда нимучашдыме чолгалыкым да пиалым конда, чондам ласка кумыл рӱпша да кажне волгыдо шонымашдам шукта. Ончыкыжымат марий калыкнан волгыдо ончыкылыкшо верч пырля тыршаш ӱжам. Тек шочмо йылмына, марий тӱвырана да кугезе йӱлана калыкнан чоныштыжо илат да марий улмына дене кугешнаш таратат.

Кажне еҥлан у идалыкыште волгыдо корным, пеҥгыде тазалыкым, кужу ӱмырым, вашла пагалымашым да пиалым тыланем. Тек 2021 ий кажне ешыш улан да волгыдо илышым, чон ласкалыкым конда.

У ий дене! Шорыкйол дене!

Марий Оньыжа

Александров Эдуард Васильевич

Опубликовать в Одноклассники

Добавить комментарий